Xornada de benvida - Curso 2021/22

O próximo luns 6 de setembro realizarase unha xornada de benvida para o alumnado que ingresa por primeira vez en titulacións de grao na Facultade de Informática. Así, o luns 6 non haberá clase das materias en primeiro curso, pois temos reservado o día para outras actividades.

Benvida do Decano e lanzamento do programa de mentoring

Debido ás restricións de aforo, a benvida organízase en turnos de mañá e tarde:

• Turno de mañá.
  • Lugar: Salón de actos da Facultade de Informática.
  • Hora: 10:00.
  • Alumnado do Grao en Enxeñaría Informática nos grupos de prácticas GEI 1.1 a GEI 3.4.
• Turno de tarde:
  • Lugar: Salón de actos da Facultade de Informática.
  • Hora: 16:30.
  • Alumnado do Grao en Enxeñaría Informática nos grupos de prácticas GEI 4.1 a 4.4 e 6.1, e todo o alumnado do Grao en Ciencia en Enxeñaría de Datos.

Formación en técnicas de estudo e xestión do tempo

De 12:00 a 14:00 celebrarase un curso sobre “Técnicas de estudo e xestión do tempo” dirixido a todo o alumnado de novo ingreso, co obxectivo de axudarvos a adaptar a vosa forma de estudar e traballar á Universidade. Este curso impartirase a través da plataforma Teams debido ás restricións de aforo.

No documento adxunto tedes todos os detalles da xornada de benvida e instrucións para comprobar o voso grupo de prácticas e conectarvos a Teams.