II Feira de Emprendemento e Emprego 2026
O vindeiro 22 de outubro de 2026, entre as 10:00 e as 18:00 horas, celebrarase no Pavillón de Deportes do Campus de Elviña a segunda edición da Feira de Emprendemento e Emprego IMPULSA-T, organizada para achegar ao estudantado e ás persoas tituladas ao tecido empresarial e ás oportunidades profesionais.
O evento contará coa participación de 40 empresas, ademais de numerosas actividades orientadas á empregabilidade e ao emprendemento, entre elas encontros con empresas, obradoiros, reunións con persoas emprendedoras, entrega de premios, espazos para dinámicas de selección e formación, así como sorteos e agasallos.
O programa completo e toda a información do evento poden consultarse na seguinte ligazón: https://www.udc.gal/gl/emprego/impulsa-t/
Anímase a toda a comunidade universitaria a participar nesta xornada dedicada ao emprego, á innovación e ao emprendemento.
