Xornada de Benvida 2026 para o novo alumnado da FIC

O vindeiro luns 7 de setembro, a Facultade de Informática celebrará a Xornada de Benvida 2026, dirixida ao alumnado de novo ingreso dos tres graos da Facultade: Grao en Enxeñaría Informática, Grao en Ciencia e Enxeñaría de Datos e Grao en Intelixencia Artificial.

Con motivo desta xornada, non haberá clase para o alumnado de primeiro curso, xa que a xornada estará dedicada a actividades de benvida, orientación e integración na Facultade.

A programación inclúe a benvida institucional, a presentación dos representantes do alumnado, un seminario sobre técnicas de xestión do tempo e o lanzamento do programa de mentoring, no que estudantes da Facultade acompañarán ao novo alumnado ao longo do curso.

Consulta no documento adxunto o programa completo da xornada, os grupos de prácticas e a asignación de mentores e aulas.